ՀՕՊ-ը Սմոլենսկի մարզում 5 ուկրաինական ԱԹՍ է ոչնչացրել. ՌԴ ՊՆ

ՀՕՊ համակարգերն այսօր առավոտյան 5 ուկրաինական անօդաչու թռչող սարք են ոչնչացրել Սմոլենսկի մարզում։ Տեղեկությունը հայտնում է ՌԴ պաշտպանության նախարարությունը։

«Ժամը 06։50-ից 07։20-ն ընկած ժամանակահատվածում ՀՕՊ հերթապահ համակարգերը Սմոլենսկի մարզի տարածքում 5 ուկրաինական անօդաչու են ոչնչացրել», - ասվում է գերատեսչության հաղորդագրության մեջ։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։