ՀՕՊ համակարգերը Բրյանսկի մարզի տարածքում 8 ուկրաինական ԱԹՍ են ոչնչացրել. ՌԴ ՊՆ

Գիշերը Ռուսաստանի զինված ուժերը անօդաչու թռչող սարքեր են խոցել Բրյանսկի մարզում։ Այս մասին հայտնում է ՌԴ պաշտպանության նախարարությունը։

«Անցած գիշերվա ընթացքում հերթապահության մեջ գտնվող ՀՕՊ համակարգերը Բրյանսկի մարզի տարածքում ոչնչացրել են ուկրաինական ութ անօդաչու թռչող սարք», - հայտնել են գերատեսչությունում։

Նշենք, որ Ուկրաինայի զինված ուժերը գրեթե ամեն օր անօդաչու թռչող սարքերով փորձում են հարձակվել Ռուսաստանի սահմանային և կենտրոնական շրջաններում գտնվող թիրախների վրա։ Հակաօդային պաշտպանության ուժերը խափանում են թշնամու ինքնաթիռները։ Բրյանսկի մարզում հակաահաբեկչական գործողություն է իրականացվում։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։