ՀՕՊ-ը գիշերը ՌԴ-ի երկնքում ավելի քան 30 ուկրաինական անօդաչու է խոցել. ՌԴ ՊՆ

ՌԴ ՀՕՊ հերթապահ միջոցները նախորդ գիշեր ՌԴ մարզերի երկնքում ուկրաինական 32 անօդաչու են ոչնչացրել։ Այս մասին հայտնում է ՌԴ ՊՆ-ն։

«Նախորդ գիշերվա ընթացքում ՀՕՊ հերթապահ միջոցները որսացել և ոչնչացրել են ուկրաինական 32 անօդաչու թռչող սարք։ 11 ԱԹՍ ոչնչացվել է Սարատովի մարզի տարածքում, չորսական` Կուրսկի և Ռոստովի, երեքական` Բելգորոդի և Բրյանսկի, երկու անօդաչու Կրասնոդարի երկրամասի, մեկը` Վոլգոգրադի մարզի և չորսը` Ազովի ծովի վրա», - ասվում է հաղորդագրության մեջ։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։