Զախարովան հիշեցրել է Արևմուտքի «խեղդող պատժամիջոցները» Սիրիայի դեմ

ՌԴ ԱԳՆ պաշտոնական ներկայացուցիչ Մարիա Զախարովան հիշեցրել է, որ արևմտյան երկրները երկար տարիներ «խեղդող պատժամիջոցներ» են կիրառել Սիրիայի դեմ։ 

«Ինչ արժեքների և մարդու ինչ իրավունքների մասին կարող է Հիմա խոսել Արևմուտքը, եթե Արևմուտքը սիրիացի ժողովրդի նկատմամբ երկար տարիներ Սիրիան խեղդող պատժամիջոցներ է սահմանել։ Այդ թվում՝ համաճարակի ժամանակ։ Հիմա նրանք ցանկանում են ինչ-որ բան ասե՞լ մարդու իրավունքների մասին: Նրանք դա անելու իրավունք չունեն։ Նրանք երկար տարիներ խեղդամահ են անում Սիրիայի ժողովրդին», - Sputnik ռադիոյի եթերում ասել Է դիվանագետը։

Հիշեցնենք՝ նոյեմբերի 27-ին «Ջեբհաթ ան Նուսրա»-ի զինյալները խախտել են հրադադարի մասին համաձայնագիրը և գրոհել Սիրիայի Հալեպ և Իդլիբ Նահանգների վրա: Սիրիական բանակին աջակցում են Ռուսաստանի օդատիեզերական ուժերը՝ հարվածներ հասցնելով ահաբեկիչների տեխնիկային, կառավարման կետերին, պահեստներին և հրետանային դիրքերին։ Նոյեմբերի 30-ին հայտնի դարձավ, որ թուրքամետ արմատական խմբավորումները գիշերվա ընթացքում գրեթե ամբողջությամբ գրավել են Սիրիայի Հալեպ քաղաքը, իսկ Հալեպի գլխավոր հյուպատոսությունն ու Հայկական մարդասիրական առաքելությունը տարհանվել են։ Դեկտեմբերի 5-ի երեկոյան հայտնի դարձավ, որ հակակառավարական ուժերը գրավել են Սիրիայի կենտրոնական Համա քաղաքը, դեկտեմբերի 7-ի երեկոյան՝ Հոմսը, իսկ դեկտեմբերի 8-ի առավոտյան՝ մայրաքաղաք Դամասկոսը: Սիրիայի անցումային կառավարության ղեկավարի պաշտոնում նշանակվել է Մուհամեդ ալ-Բաշիրը։