Արևմուտքի և ՌԴ-ի փոխադարձ պատժամիջոցները կանդրադառնան նաև Ղազախստանի զարգացման վրա. Նազարբաև

Արևմտյան երկրների և Ռուսաստանի  փոխադարձ տնտեսական պատժամիջոցներն ազդեցություն կունենան նաև Ղազախստանի վրա: Այդ մասին երեքշաբթի երկրի խորհրդարանի նիստում հայտարարել է նախագահ Նուրսուլթան Նազարբաևը. հայտնում է ИТАР-ТАСС-ը:

«Խորհրդարանի նոր նստաշրջանը սկսվում է դժվար պայմաններում: Համաշխարհային տնտեսության մեջ անկայունությունը պահպանվում է, խորանում են աշխարհաքաղաքական վտանգները, այդ թվում՝ ուկրաինական  իրադարձությունների պատճառով միջազգային հարաբերությունների բարդացման ֆոնին»,- ասել է Նազարբաևը:

«Փոխադարձ պատժամիջոցներ են միմյանց նկատմամբ սահմանել պետություններ, որոնք արտադրում են, ընդհանուր առմամբ, համաշխարհային ՀՆԱ-ի 60%-ը: Դա կբերի մեր գործընկերների տնտեսական աճի անկման, ինչը կազդի նաև մեզ վրա»,- հավելել է նա: