Ասում են` ապացուցիր, որ ուղտ չես. փաստաբանը` Գերասիմ Վարդանյանի մեղադրանքի մասին

«Անձին ուզում են ասեն՝ արի ապացուցիր, որ դու ուղտ չես»,- այս մասին ասաց Գերասիմ Վարդանյանի շահերի պաշտպան, փաստաբան Բենիկ Գալստյանը՝ Երևան քաղաքի քրեական դատարանի «Ավան» նստավայրում կալանավորման որոշումը հրապարակելուց հետո:

Նշենք, որ ՀՅԴ Հայաստանի ԳՄ անդամ Գերասիմ Վարդանյանին մեղադրանք է առաջադրված Քր․ օրենսգրքի 236-րդ հոդվածի 2-րդ մասով, որով պայմանավորված դատարանը 2 ամսով կալանավորեց Գերասիմ Վարդանյանին։

«Երկու անձի միջև ինչ-որ խոսակցություն են հրապարակել գումարի վերաբերյալ, որը որևէ կերպ չի հաստատում, որ Վարդանյանն ինչ-որ անձի գումար է տվել առհասարակ ինչ-որ հավաքի մասնակցելու համար։ Հանցակազմի օբյեկտիվ կողմը, որպես այդպիսին, էս նյութերով առկա չէ»,-  ասաց փաստաբան Բենիկ Գալստյանը՝ հավելելով, որ փաստական որևէ տվյալ չկա, որը կհաստատի, որ Գերասիմ Վարդանյանը որևէ անձի որևէ կերպ նյութապես շահագրգռել է որևէ հավաքի մասնակցելու համար։ 

Բենիկ Գալստյանը որոշումն ապօրինի է գնահատում։ Նրա խոսքով՝ միջնորդությունը ենթակա էր մերժման՝ հիմնավոր կասկածի բացակայության հիմքով։

Նշենք` այսօր դատավոր Արմինե Մելիքսեթյանը Գերասիմ Վարդանյանին 2 ամսով կալանավորելու որոշում կայացրեց:

Ավելին՝ տեսանյութում: