Սվաջյանը խուսափո՞ւմ է Ագրարային համալսարանի վերաբերյալ հարցերից

Yerkir.am-ն անդրադարձել էր ագրարային համալսարանի 2021 թվականից կուտակած 350 միլիոն դրամ պարտավորության մասին:

Yerkir.am-ը հարցում էր ուղարկել ԿԳՄՍ նախարարի տեղակալ, հոգաբարձուների խորհրդի անդամ Արաքսյա Սվաջյանին հետևալ բովանդակությամբ. ]

«Հոգաբարձուների խորհուրդը և լիազոր մարմինը ե՞րբ են տեղեկացել պարտքի մասին, ի՞նչ քայլեր են ձեռնարկել, ովքե՞ր են մեղավոր պարտավորությունները չկատարելու հարցում և արդյո՞ք մեղավորները կրել են պատասխանատվություն»:

Միաժամանակ խնդրել էինք տեղեկացնել, թե 2023 թվականի ընթացքում համալսարանի ղեկավար 16 անձինք որքա՞ն եկամուտ (աշխատավարձ և դրան հավասարեցված այլ վճարումներ, ներառյալ հիմնական աշխատավարձ, լրացուցրիչ վարձատրություն, հավելավճար, լրավճար, հավելում, պարգևատրում և այլն, ինչպես նաև ՀՀ Քաղաքացիական օրենսգրքի համաձայն մատուցված ծառայությունների դիմաց քաղաքացիաիրավական պայմանագրերի շրջանակներում ստացված վճարումներ) են ստացել համալսարանում:

Խոսքը ներքոհիշյալ 16 անձանց մասին էր՝

1. Հրաչյա Զաքոյան - պրոռեկտոր

2. Հրաչյա Ծպնեցյան - պրոռեկտոր

3. Արամ Հովհաննիսյան - պրոռեկտոր

4. Մարիամ Մովսիսյան - պրոռեկտոր

5. Լուսինե Մնացականյան – աշխատակազմի ղեկավար

6. Մարիամ Պողոսյան – գլխավոր հաշվապահ

7. Միսակ Ղարագյոզյան - մարքեթինգի և զարգացման բաժնի նախկին պետ

8. Սոս Ավետիսյան - լրատվության և հասարակայնության բաժնի պետ

9. Աղավարդ Խաչատրյան – հոգաբարձուների խորհրդի անդամ

10. Վիկտոր Աբրահամյան – հոգաբարձուների խորհրդի անդամ

11. Նունե Սիմոնյան – հոգաբարձուների խորհրդի անդամ

12. Սերյոժա Երիցյան – հոգաբարձուների խորհրդի անդամ

13. Գուրգեն Եղիազարյան – հոգաբարձուների խորհրդի անդամ

14. Մանվել Վարդանյան – իրավաբանական բաժնի պետ

15. Թոռնիկ Ալիյան– հոգաբարձուների խորհրդի անդամ

16. Վարդան Ուռուտյան – նախկին ռեկտոր:

Ի զարմանս մեզ, հարցմանը ագրարային համալսարանի հոգաբարձուների խորհրդի անդամ Արաքսյա Սվաջյանի փոխարեն պատասխանել է Բարձրագույն կրթության և գիտության կոմիտեն՝ տեղեկացնելով, որ չի հանդիսանում նշված տեղեկատվության տնօրինողը: Հոգաբարձուների խորհրդի անդամ Սվաջյանը ի պաշտոնե առնվազն պետք է տիրապետեր վերոնշյլալ տեղեկատվությանը:

Ստացվում է, որ տիկին Սվաջյանը ուղղակի խուսափում է մեր հարցադրումներին պատասխանելուց: Իսկ մեր հետագա հարցումները Սվաջյանը կարող է վերահասցեագրել, օրինակ Արմավիրի թիվ 1 ավագ դպրոցի կամ էլ Երևանի թիվ 6 արհեստագործական ուսումնարանի տնօրեններին: Վերջիններս նույնպես չեն տնօրինում ագրարային համալսարանին վերաբերող տեղեկատվությանը: Ագրարային համալսարանի աշխատակիցներն ու ուսանողները իրավունք ունեն իմանալու, թե ինչու չեն վճարվել հարկերը կամ որքան եկամուտ են ստանում իրենց ճակատագրերը տնօրինող վերոնշյալ գործընկերները: Հիշեցնենք, որ Հայաստանի ազգային ագրարային համալսարանի ռեկտորը 2018-2023թթ. Վարդան Ուռուտյանն էր, իսկ 2023թ. դեկտեբերի 25-ից ռեկտորի պարտականությունները կատարում է ուսումնական աշխատանքերի գծով պրոռեկտոր Հրաչյա Զաքոյանը: