Արաքսյա Սվաջյանը Նապոլեոնը չի

ՀՀ ԿԳՄՍ նախարարության հոկտեմբերի 29-ի տարածած հաղորդագրության համաձայն նախարարի տեղակալ Արաքսյա Սվաջյանը ներկայացված է նաև որպես Հայաստանի ազգային ագրարային համալսարանի հոգաբարձուների խորհրդի համանախագահ:

Ագրարային համալսարանի կանոնադրությունը չի նախատեսում հոգաբարձուների խորհրդի համանախագահի ինստիտուտ:

Yerkir.am-ը հարցում էր ուղարկել ԿԳՄՍ նախարարին, թե ինչպես է իր տեղակալը կանոնադրության խախտմամբ ընտրվել հոգաբարձուների խորհրդի համանախագահ:

Բարձրագույն կրթության և գիտության կոմիտեից ստացված պատասխանում նշվում է, որ Սվաջյանը չի հանդիսանում հոգաբարձուների խորհրդի համանախագահ:

Փաստորեն, բախտներս բերել է, որ տիկին Սվաջյանը նախարարության հաղորդագրություններում չի ներկայացվում, օրինակ, որպես Նապոլեոն:

Հ.Գ. Այսօրվա դրությամբ վերոնշյալ հաղորդագրությունը չի ուղղվել, և փոխնախարարը ներկայացված է որպես խորհրդի համանախագահ: