Սահմանազատումն ու սահմանագծումն իրականացվում է մեր պայմաններով. Ալիև

Այսօր մեր մեկ պահանջով Ղազախի չորս գյուղ է վերադարձվում մեզ։ Այդ կերպ էլ շարունակվելու է։ Այստեղ խոսելու իրավունքը մեզ է պատկանում, մենք ենք առաջատար պետությունը Կովկասում. մենք առաջատար պետություն ենք տնտեսական, քաղաքական, ռազմական առումներով և բոլոր առումներով, բոլորը պետք է հաշվի նստեն մեզ հետ։ Այս մասին հայտարարել է Ադրբեջանի նախագահ Իլհամ Ալիևը օկուպացված Շուշիում վերաբնակեցվածների հետ հանդիպմանն իր ելույթում։

Ագրեսոր երկրի ղեկավարը հերթական հոխորտանք է դրսևորել՝ հայտարարելով՝ թե՛ Հայաստանը, թե՛ նրա թիկունքում կանգնած արտաքին շրջանակները կփոշմանեն, եթե իրենց հետ հաշվի չնստեն։

«Այսօր 1990 և 1992 թթ. օկուպացված Ղազախի հողերը վերադարձվում են մեզ առանց մեկ կրակոց արձակելու։ Սահմանազատումն ու սահմանազատումն իրականացվում է մեր պայմաններով, և սա մեր հերթական հաղթանակն է»,-նշել է Ալիևը։