կարևոր
1621 դիտում, 1 ամիս առաջ - 2024-04-15 21:20
Հասարակություն

Ղազախստանի նախագահը Մատենադարանին է նվիրել Էդուարդ Ղազարյանի քանդակներից մեկը

Ղազախստանի նախագահը Մատենադարանին է նվիրել Էդուարդ Ղազարյանի քանդակներից մեկը

Ղազախստանի նախագահ Կասիմ-Ժոմարտ Տոկաևը Մատենադարանին է նվիրել հայտնի քանդակագործ Էդուարդ Ղազարյանի գործերից մեկը։ Տեղեկությունը հայտնում է Մատենադարանի մամուլի ծառայությունը։

Տոկաևը Մաշտոցյան Մատենդարանին է փոխանցել Ալմա Աթայում ծնված քանդակագործի «Տուն օդապարիկը» բրոնզե ձուլածո քանդակը: Մատենադարանի տնօրեն Արա Խզմալյանն էլ Ղազախստանի նախագահին է նվիրել հայատառ ղփչաղերեն ձեռագրի նմանահանությունը՝ անգլերեն ներածությամբ եզակի հրատարակություն:

Ղազախստանի նախագահը շրջայց է կատարել թանգարանի ցուցասրահներում, ծանոթացել հայկական ձեռագրական ժառանգությանն ու նորաբաց օտարալեզու ձեռագրերի ցուցադրությանը:

Հիշեցնենք` Ղազախստանի նախագահը պաշտոնական այցով է ժամանել Հայաստան։ «Զվարթնոց» օդանավակայանում նրան դիմավորել է ՀՀ փոխվարչապետ Մհեր Գրիգորյանը։