կարևոր
7375 դիտում, 2 ամիս առաջ - 2024-03-23 12:20
Իրավական

Երբ իշխանությունը երկրի համար ցավալի որոշումներ է կայացնում, զուգահեռ ռեպրեսիան է ակտիվացնում․ Տիգրան Աբրահամյան

«Նարեկ Սամսոնյանի հետ կապված երեկվա դատական գործը, ըստ էության, հուշում էր, թե այսօր մենք ինչ վճիռ ենք ունենալու Վազգեն Սաղաթելյանի մասով»,-այս մասին դատարանի բակում ասաց «Պատիվ ունեմ» խմբակցության պատգամավոր Տիգրան Աբրահամյանը։

«Պետք է արձանագրել, որ սա առաջին հերթին ազատ խոսքի  և ընդդիմության նկատմամբ իշխանության վերաբերմունքի դրսևորում է, Վազգեն Սաղաթելյանի ու Նարեկ Սամսոնյանի միջոցով, ըստ էության, հանրությանն ուղված ազդանշան է արվում՝ ակտիվ քաղաքացիներին վախի մթնոլորտում պահելու առումով։  Բայց սա չպետք է կաշկանդի մեր քաղաքացիներին, որովհետև այն, ինչն արտահայտվում է երկրի ներսում, ուղիղ  համեմատական է նաև արտաքին ֆրոնտւմ տեղի ունեցող իրադարձություններին»,-ասաց Տիգրան Աբրահամյանը՝ հավելելով․ «Երբ իշխանությունը երկրի համար ցավալի որոշումներ է կայացնում, զուգահեռ ներսում ռեպրեսիան է ակտիվացնում»։