Ամբաղ-զամբաղ որոշումներ է կայացնում. Յըլդըրըմի կոշտ պատասխանը՝ ԵՄ-ին

Թուրքիայի վարչապետ Բինալի Յըլդըրըմն անդրադարձել է երեկ ԵԽ-ի ընդունած որոշմանը, համաձայն որի` դադարեցվել են Թուրքիայի հետ ԵՄ անդամակցության վերաբերյալ բանակցությունները:

Ըստ Demokrathaber-ի՝ նա հերթական անգամ հայտարարել է, որ այդ որոշումն իրենց համար «ոչ մի արժեք չունի»:

«ԵՄ-ի հետ հարաբերությունները սերտ չեն, դրանք ակամայից ընթացող հարաբերություններ են: ԵՄ-ն պետք է որոշի՝ ապագայի տեսլականը Թուրքիայի հե՞տ, թե՞ առանց Թուրքիայի պետք է ձևավորի: Մի կողմից` ԵՄ-ն հայտարարում է, որ «անվտանգության առումով Թուրքիան անփոխարինելի է», մյուս կողմից էլ` ամբաղ-զամբաղ որոշումներ է կայացնում, ինչը հակասական է»,-հայտարարել է Թուրքիայի վարչապետը: