01 05 2024
|
||
---|---|---|
EUR | ⚊ | 416.21 |
GBP | ⚊ | 486.55 |
GEL | ⚊ | 144.68 |
RUB | ⚊ | 4.16 |
USD | ⚊ | 388 |
Ադրբեջանի արտաքին գործերի նախարարությունը հերքել է Միջազգային քրեական դատարանին Հայաստանի անդամակցությանը նվիրված միջոցառման ժամանակ Հայաստանի արտգործնախարար Արարատ Միրզոյանի արված հայտարարությունը։
«Մենք կտրականապես մերժում և դատապարտում ենք Ադրբեջանի դեմ ուղղված հայտարարությունը, որն արվել է Հայաստանի արտգործնախարար Արարատ Միրզոյանի կողմից փետրվարի 8-ին Միջազգային քրեական դատարանի Հռոմի կանոնադրությանը Հայաստանի միանալու արարողության ժամանակ», - ասել է Ադրբեջանի ԱԳՆ խոսնակ Այխան Հաջիզադեն։
«Այս ելույթը ևս մեկ անգամ ցույց է տալիս, որ Հայաստանի միացումը Հռոմի ստատուտին փորձ էր՝ օգտագործել այդ ինստիտուտներն իրենց անհիմն պահանջների, չարամիտ գործողությունների, ատելության քարոզի, ապատեղեկատվության և միջազգային իրավունքի սխալ մեկնաբանման համար»,– ասել է Հաջիզադեն: