Քանի՞ ոչ մարտական զոհ է գրանցվել բանակում Նիկոլ Փաշինյանի օրոք․ ինֆոգրաֆիկա

Այսօր՝ հունվարի 19-ին, լրացավ մեկ տարին Վարդենիսի Ազատ գյուղի զորանոցում հրդեհի, որին զոհ գնաց 15 զինծառայող։

Մեկ տարի անց դեռ գործով բացահայտումներ չկան, թեև դատաքննություն է ընթանում։

Օրերս հրապարակվեց վիճակագրություն այն մասին, որ բանակում ոչ մարտական կորուստների թիվը վերջին տարիներին աճել է։ Միայն նախորդ շաբաթ 4 զինծառայող զոհվեց՝

Հունվարի 9-ին հայտնաբերվեց պայմանագրային զինծառայող Կարեն Արայիկի Կարապետյանի դին՝ հրազենային վնասվածքով: 

Նույն օրը հայտնաբերվեց ավագ լեյտենանտ Միքայել Սամվելի Դանիելյանի դին՝ դարձյալ հրազենային վնասվածքով: 

Հունվարի 11-ին ավտովթարից զոհվեց զինծառայող։ 

Հունվարի 13-ին մարտական դիրքերից զորանոց իջնելու ճանապարհին ձնահյուսի պատճառով զոհվեց զինծառաող Բենիամին Մանուչարյանը։  

Հիշեցնենք՝ 12․05․2018թ․ ՊՆ-ում ելույթում նիկոլ Փաշինյանը հայտարարեց․ «Մենք չպետք է թույլ տանք, որպեսզի զինվորի զոհվելու մասին լուրը հանրության համար դառնա լրահոսի հերթական վերնագիր: Յուրաքանչյուր դեպքից պետք է արվի լրջագույն հետևություն և այդ հետևությունները պետք է դառնան եզրակացություններ, որոնք կյանքի կկոչվեն, որպեսզի նվազագույնի հասցնենք նման դեպքերը»:

Իսկ 2018 թվականի հունվարի 8-ին, երբ բանակում զոհ ունեինք, իսկ Նիկոլ Փաշինյանն ԱԺ պատգամավոր էր, համացանցում գրում էր, որ ամեն զոհի հետևում մեղավոր կա, որը պետք է պատժվի։

Նիկոլ Փաշինյանի օրոք բանակում ոչ մարտական կորուստները 371 են։ Ամեն տարի, ընդ որում, աճ է գրանցվում։

Եվ այսպես, ոչ մարտական զոհերի վիճակագրությունը հետևյալն է

․

Աղբյուրը՝  Yerevan.Today-ի