28 04 2024
|
||
---|---|---|
EUR | ⚊ | 416.29 |
GBP | ⚊ | 485.57 |
GEL | ⚊ | 145.08 |
RUB | ⚊ | 4.22 |
USD | ⚊ | 388.08 |
Ադրբեջանական պատվիրակությունը չի մասնակցի Երեւանում կայանալիք ԵԱՀԿ Խորհրդարանական վեհաժողովի (ԵԱՀԿ ԽՎ) աշնանային նստաշրջանին։ Այս մասին APA-ին ասել է ԵԱՀԿ Խորհրդարանական վեհաժողովում ադրբեջանական պատվիրակության ղեկավար Ազայ Գուլիևը։
Ադրբեջանի Միլլի Մեջլիսի պատվիրակությունը նամակ է ուղարկել ԵԱՀԿ ԽՎ-ում և կազմակերպության միջազգային քարտուղարությանը ներկայացված պատվիրակություններին, որում ասվում է, որ չի մասնակցելու ԵԱՀԿ ԽՎ աշնանային նստաշրջանին։ որն այս տարի կանցկացվի նոյեմբերի 18-20-ը Երևանում։
Նամակում ադրբեջանական կողմը պատճառաբանել է, թե մտահոգված է իրենց երկրի նկատմամբ թշնամանքի և ատելության զգացման առնչությամբ, որն ակնհայտորեն դրսևորվում է Հայաստանում հակաադրբեջանական քարոզչությամբ և ադրբեջանաֆոբիայով։
Ադրբեջանական աղբյուրը հիշեցրել է ադրբեջանական դրոշի այրման դեպքը։