Գիտնականների դիտարկումներն աղմկահարույց դասագրքի մասին

Yerkir.am-ը շարունակում է ներկայացնել «Հայոց պատմություն» առարկայի 7-րդ դասարանի նոր դասագրքի մասին հայտնի գիտնականների ու հաստատությունների ղեկավարների դիրքորոշումները։

ՀՀ ԿԳՄՍ նախարարության «Պատմամշակութային արգելոց-թանգարանների եւ պատմական միջավայրի պահպանության ծառայություն» ՊՈԱԿ-ի գիտնական-քարտուղար, պատմական գիտությունների դոկտոր, պրոֆեսոր Աշոտ Փիլիպոսյանը հայտնեց, որ առիթն ունեցել է նախարարությանը փոխանցելու իր դիտարկումները։

Փիլիպոսյանը նշեց, որ ինքը ոչ թե դասագրքերի, այլ հնագիտության մասնագետ է։ Նա թեպետ ամբողջությամբ չի ընթերցել գիրքը, այդուհանդերձ, ըստ Փիլիպոսյանի` վաղ շրջանի պատմության բաժնում մի քանի խնդիրներ կան, որոնք պետք է շտկել։ Օրինակ՝ Ռուսա Առաջինի կառավարման տարեթվերի տարբերություն գոյություն ունի միջնակարգի այս դասագրքում եւ ավագ դպրոցի դասագրքերում։

Պատմաբան, հնագետ, արվեստագիտության դոկտոր, պ․գ․թ․ Հակոբ Սիմոնյանը նշեց, որ դասագրքում նշված են թվականներ, որոնց համար հղում է կատարվել իրենց կազմակերպությանը, բայց իրենք ոչ մի տեղեկություն այդ մասին չեն փոխանցել։

Սիմոնյանը տեղեկացրեց, որ գիտխորհուրդը քննարկում է նախատեսել ուրբաթ օրը, որից հետո կարող են մանրամասն ներկայացնել ու հստակ հայտարարություն անել։

«Ժամանակը այնքան թանկ եմ գնահատում, որ ցանկացածի գրածի համար ժամ չեմ կարող տրամադրել։ Գիրքը չեմ ընթերցել, բայց գործընկերներիս հոդվածներից ծանոթ եմ դրվագներին։ Բազմաթիվ անճշտություններ կան։ Դա պատմության դասագիրք է, ուստի խնդրին լուծում տալու համար պետք է դիմեն պատմության ինստիտուտին, որ պաշտոնական կարծիք հայտնեն կամ նիստ հրավիրեն։ Կոնկրետ հարցերի հետ կապված՝ հնագիտական, թվագրման եւ այլն, այդ դեպքում ես իմ կարծիքը կարտահայտեմ։ Դրա մեջ չեմ ուզում մտնել, որովհետեւ լուրջ գործեր եմ անում» ,-ասաց Սիմոնյանը։

Խ. Աբովյանի անվան հայկական պետական մանկավարժական ինստիտուտի Հայոց պատմության ամբիոնի վարիչ Էդիկ Գեւորգյանը օրերս առողջական խնդիրների պատճառով խնդրել էր ավելի ուշ կապվել։ Կրկին փորձեցինք ու նա հայտնեց, որ շարունակում է հոսպիտալացված մնալ։ Նա նշեց, որ իր աշխատանքը բնույթով բաց է եղել, իսկ ինքը խուսանավելու պատճառ չունի։ Խոստացավ կապվել մեզ հետ ամբողջապես ապաքինվելուց հետո։

Կարդացեք նաև՝

• Ուրմիան Հայկական լեռնաշխարհի արևելյան սահմա՞ն. ի՞նչ է ուսուցանվելու 7-րդ դասարանում

• Դասագիրք՝ առանց Երևանի և Պատմահոր կենսագրությունների

• Հայոց գրերի ստեղծումը «մեկ նախադասությամբ» և առանց Սահակ Պարթևի. հայտնի դասագրքի «հակառակ կողմը»

• 15 աշխարհներն առանց Վասպուրականի. «բարդակ»՝ 7-րդ դասարանի դասագրքում

• Դիտարկումներ 7-րդ դասարանի «Հայոց պատմության» դասագրքի վերաբերյալ

• Մասնագիտական ահազանգ. հարեմների փոխարեն 7֊րդ դասարանի դասագիրքը կարելի էր լցնել շատ ավելի օգտակար տեղեկություններով

• Հայոց պատմության 7-րդ դասարանի դասագրքի սխալ տեղեկությունները. մասնագիտական դիտարկում

• Պետք է բոյկոտել ու կտրուկ մերժել Սմբատ Հովհաննիսյանի հեղինակած դասագիրքը. պատմաբան. «Հրապարակ»
• Դասագրքում արմատահան է արվում Արծվաշենին տեր լինելու գիտակցությունը. ուսուցիչ

• Հայոց պատմության 7-րդ դասարանի դասագիրքը ազգային աղետ է, վտանգ ու սպառնալիք․ Անժելա Հարությունյան

• «Կան ուժեր, ըստ որոնց՝ հայրենասիրության, պատմամշակութային ժառանգության մասին խոսելը համաշխարհային գիտության սկզբունքներից շեղում է». Աշոտ Մելքոնյան

• Սկանդալային դասագրքի խմբագիրը հեղինակի կինն է. մարդը գրել է, կինը՝ խմբագրել

• «Հայրենիք», «ազգ» հասկացությունները պիտակվում են որպես պաթոս կամ «հուռայություն», Նժդեհն էլ՝ ֆաշիստ. Լիլիթ Գալստյան

• Սա խուժանություն ու աճպարարութուն է. ովքե՞ր են իրենք, որ մեր արժեհամակարգը դրել են հարվածի տակ. Հայկազուն Ալվրցյան

• Հայոց պատմության դասագրքի խնդիրը չունի մասնագիտական լուծում, այն բացառապես քաղաքական է. դիտարկում

• Աղմկահարույց դասագրքի հերթական անճշտությունը. ոչ թե Ք.ա. 26-25-րդ, այլ 16-15-րդ դարեր

• Ոչ հավաստի քարտեզներ, տուրք թուրքական ազգայնամոլական մոտեցումներին. դիտարկում 7-րդ դասարանի դասագրքի մասին

• Մենք ի սկզբանե Մասնակցային դպրոցին առաջարկել ենք մեր աջակցությունը, որը մերժվել է կամ դիտարկումներ դասագրքից անդին

• Աղմկահարույց դասագիրք. ի՞նչ դիրքորոշում ունեն հայտնի հաստատությունները

• «Զարմանալիորեն», «սկզբնաղբյուրների սակավության» պատճառով, բաց են թողնվել հայոց թագավորության հյուսիսային, հյուսիսարևելյան սահմանները․ Հովհաննես Խորիկյան