Շվեդիան հորդորում է քաղաքացիներին՝ խուսափել ՀՀ մի շարք շրջաններ այցելելուց

Շվեդիայի արտաքին գործերի նախարարությունը խորհուրդ է տալիս քաղաքացիներին զերծ մնալ Հայաստանի Սյունիքի եւ Վայոց Ձորի մարզեր, ինչպես նաեւ Գեղարքունիքի մարզի Սեւանա լճից հարավ եւ արեւելք գտնվող հատվածներ ճանապարհորդելուց։ «Հարավային տարածքների համար, դա նշանակում է Մ-10 մայրուղու արեւելյան հատվածը՝ Մարտունի քաղաքից դեպի հարավ»:

Նախարարությունը հորդորում է՝ խուսափել Հայաստանի եւ Ադրբեջանի միջեւ միջազգային սահմանից հինգ կիլոմետրից ավելի մոտ գտնվող տարածքներ այցելություններից։ «Սա ներառում է Երասխ քաղաքը եւ ճանապարհի այն հատվածները, որոնք անցնում են սահմանամերձ տարածքով։ Խորհուրդն ուժի մեջ է մինչեւ հետագա ծանուցումը» ,-ասված է հայտարարության մեջ: