Հայաստանի հետ խաղաղության պայմանագիր կնքելու իրական հնարավորություններ կան. Բայրամովը՝ Բերբոկին

Հայաստանի հետ խաղաղության պայմանագիր կնքելու իրական շանսեր կան։ Ադրբեջանի արտգործնախարար Ջեյհուն Բայրամովն այս մասին հայտարարել է գերմանացի գործընկեր Աննալենա Բերբոկի հետ հեռախոսազրույցում, հայտնում են ադրբեջանական լրատվամիջոցները։

«Նախարարն ընդգծել է, որ կարևոր է խուսափել սադրիչ քայլերից, որոնք խոչընդոտում են տարածաշրջանում խաղաղության և անվտանգության հաստատման ջանքերին, Ադրբեջանի տարածքային ամբողջականության և ինքնիշխանության դեմ ուղղված կոչերին աջակցող հայտարարություններին։ Ուշադրության է ներկայացվել այն, որ Ադրբեջանի ինքնիշխանության վերականգնումից հետո Հայաստանի հետ խաղաղության պայմանագիր կնքելու իրական հնարավորություններ կան, հույս կա, որ Հայաստանը դրական կգնահատի այդ հնարավորությունները»,- գրում են ադրբեջանական լրատվամիջոցները։