Ո՞վ է օկուպացված Ստեփանակերտում նշանակված պարետը

Իլհամ Ալիևի կարգադրությամբ ոստիկանության գեներալ-մայոր Սարդար Սաֆարովը նշանակվել է Ստեփանակերտի պարետ։

Սաֆարովը ծնվել է 1973 թվականին Սումգայիթում։ Ավարտել է Ադրբեջանի ֆիզիկական կուլտուրայի պետական ​ինստիտուտը, Թուրքիայի ժանդարմերիայի սպայական դպրոցը և Ներքին գործերի նախարարության ոստիկանության ակադեմիան։

1996-2005 թվականներին եղել է հատուկ նշանակության ջոկատի հրամանատար և ներքին զորքերի հատուկ նշանակության գումարտակի շտաբի պետ։

2019-2022 թվականներին Սաֆարովը եղել է Բաքվի ոստիկանության գլխավոր վարչության հանրային անվտանգության վարչության պետի տեղակալը, ապա՝ նույն վարչության պետը։ Այնուհետեւ նշանակվել է Բաքվի ոստիկանության գլխավոր վարչության պետի տեղակալ։

2023 թվականի հունվարին Սաֆարովը գլխավորել է Ներքին գործերի նախարարության հանրային անվտանգության գլխավոր վարչությունը։

Անցյալ տարվա հուլիսին նրան շնորհվել է գեներալ-մայորի կոչում։ Պարգևատրվել է «Մարտական վաստակի համար», «Արիության համար», «Հայրենիքի համար» մեդալներով։

Ամուսնացած է, երեք երեխաների հայր։

Հիշեցնենք, որ 1919 թ. Ղարաբաղի գեներալ-նահանգապետ էր նշանակվել ազգությամբ քուրդ տխրահռչակ Խոսրով բեկ Սուլթանովը։

Խոսրով բեկ Սուլթանովը ծնվել է 1879թ․մայիսի10-ին Զանգեզուրի գավառի Մովսեսաշեն գյուղում (այժմ՝ Քաշաթաղի շրջան)։ Սովորել է Գանձակի գիմնազիայում։ ժողովրդավարական հանրապետության հռչակագրի 26 ստորագրողներից մեկն էր։ Խոսրով բեկը Ժողովրդավարական Հանրապետության առաջին կառավարության կաբինետում եղել է ռազմական նախարար։ Նա եղել է Անդրկովկասի սեյմի և Ադրբեջանի խորհրդարանի անդամ էր։