կարևոր
2611 դիտում, 8 ամիս առաջ - 2023-08-28 16:08
Քաղաքական

Թմրամիջոցների հետքեր՝ ՔՊ-ի գրասենյակի առջեւ․ Անդրանիկ Թեւանյանը հրավիրեց ոստիկանների ուշադրությունը

Թմրամիջոցների հետքեր՝ ՔՊ-ի գրասենյակի առջեւ․ Անդրանիկ Թեւանյանը հրավիրեց ոստիկանների ուշադրությունը

«Մայր Հայաստան» դաշինքի առաջնորդ Անդրանիկ Թեւանյանը Մալաթիա-Սեբաստիա վարչական շրջանում բնակիչների հետ հանդիպման ընթացքում նկատեց, որ «Քաղաքացիական պայմանագիր» կուսակցության այդ տարածքի գրասենյակի առջեւ թմրամիջոցների օգտագործման հետքեր կան։ Նա մոտեցավ ոստիկաններին ու հայտնեց իր մտահոգությունը։ ««ՔՊ»-ի գրասենյակի դիմաց թմրամիջոցների օգտագործման հետքեր կան, թմրանյութեր են շպրտած։ Ինչ արձագանք է ստացել ձեր կողմից այս երեւույթը, չե՞ք կասկածում, որ թմրամիջոցների օգտագործման դեպքեր են եղել, ե՞րբ եք զեկուցելու»,-ոստիկանին հարցրեց Անդրանիկ Թեւանյանը։ Ոստիկանն ասաց՝ ինքն արդեն զեկուցել է։ «1 մլն եվրոյից ավելի թմրանյութեր են ներկրվել Հայաստան եւ մենք դեռ չենք տեսել դատապարտվողներ։ Այս շենքերի վրա թմրամիջոցների տարածման գովազդներ կան, թմրամիջոցների տարածումը դարձել է սպառնալիք, իսկ ոստիկանությունը զբաղված է ցուցարար ցրելով»,-մտահոգություն հայտնեց Անդրանիկ Թեւանյանը։ Նա ոստիկաններին կոչ արեց զբաղվել իրենց բուն գործով՝ թմրանյութերի շրջանառությունը զսպելով։