Երեւանի փոխքաղաքապետ Գեւորգ Սիմոնյանն ազատ է արձակվել

Երևանի փոխքաղաքապետ Գևորգ Սիմոնյանն ազատ է արձակվել, հայտնել է Երևանի ավագանու «Իմ քայլը» խմբակցության անդամ Աշոտ Սարգսյանը՝ ֆեյսբուքյան գրառման միջոցով։

Երևանի փոխքաղաքապետ, ՀՀ առողջապահության նախկին փոխնախարար Գևորգ Սիմոնյանի կալանքը վերացվել է, կալանքի համար անհրաժեշտ հիմնարար կասկածի շեմը դատարանը համարել է չհաղթահարված: 

Հիշեցնենք՝ Գևորգ Սիմոնյանը կալանավորվել էր այս տարվա մարտի 12-ին, ՀՀ առողջապահության նախարարությունում գնումների գործընթացում գործուղումների, կորոնավիրուսի դեմ պայքարի համար հատկացված գումարների ծախսման ոլորտում հայտնաբերված չարաշահումների գործով։

Հիշեցնենք՝ Գևորգ Սիմոնյանը 2020-2022 թթ. փետրվարն առողջապահության նախարարի տեղակալն է եղել: