Փաշինյանը պատերազմի օրերից սկսած իր մեղքերը փորձել է բարդել ուրիշների վրա․ Գեղամ Մանուկյան

Մի անգամ փորձեք իշխանական պատգամավորներից մեկին հարցնել 5-րդ շարասյունն ինչ է ընդհանրապես։ Այս մասին ԱԺ ճեպազրույցի ժամին ասաց ՀՅԴ անդամ, ՀՀ ԱԺ «Հայաստան» խմբակցության պատգամավոր Գեղամ Մանուկյանը։

«Երբ խոսում են 5-րդ շարասյան մասին, պետք  է հասկանան, որ նույն ընդդիմության շարքերում նստած են և՛ պատրազմի մասնակիցներ, և՛ զոհվածի հայր, այդ ամբողջ անվտանգային համակարգում տարիներ շարունակ մասնակցություն ունեցած մարդիկ, պաշտպանության նախկին նախարար։ Փաշինյանն ասում է իրենք թութակի պես կրկնում են։ Փաշինյանը պատերազմի օրերից սկսած իր մեղքերը փորձել է բարդել ուրիշների վրա»,- ասաց նա։

Պատգամավորի խոսքով՝ հոկտեմբերի 8-ից սկսվել է իշխանական հանրային արշավը դավաճանության վերաբերյալ։