կարևոր
2962 դիտում, 1 տարի առաջ - 2023-03-14 14:23
Քաղաքական

ՀՀ դե-ֆակտո իշխանությունները թշնամի են հայերին․ Էդգար Էլբակյան

ՀՀ դե-ֆակտո իշխանությունները թշնամի են հայերին․ Էդգար Էլբակյան

Քաղաքագետ, «Հայկական նախագիծ» ծրագրի համահիմնադիր Էդգար Էլբակյանը գրում է.

«Ամեն ինչ շատ պարզ է։ Կա Լեռնային Ղարաբաղի հարցով նախկին 2 նախագահների թողած բանակցային ժառանգությունը, որտեղ հստակ ամրագրված է Լեռնային Ղարաբաղի ժողովրդի՝ ինքնորշման իրավունքի սուբյեկտ լինելը։ Այդ փաստաթղթերի տակ նաև Ռուսաստանի, Ֆրանսիայի և ԱՄՆ-ի ղեկավարների ստորագրություններն են։ Այս հարցում Հայաստանը երբեք միայնակ չի եղել։

• Ուրեմն ի՞նչն է խանգարում ՀՀ դե-ֆակտո իշխանություններին հենց վաղը խոսել Ադրբեջանի կազմից դուրս Արցախի հայության ինքնորոշման իրավունքի մասին՝ որպես անվտանգության և իրավունքների պաշտպանության առաջնահերթ երաշխիք։ Վա՞խը, որ Ադրբեջանը պատերազմ կսկսի…

• Իսկ ի՞նչ է լինելու, եթե վաղն Ադրբեջանը վախեցնի պատերազմով ու ստիպի, որ ՀՀ դե-ֆակտո իշխանությունները Վարդենիսը, Չարբախը, Մասիսը, Ուրցաձորը և Ծաղկաձորը դատարկեն հայերից, որպեսզի այդտեղ բնակվեն «արևմտյան ադրբեջանցիները»։ Կարճ պատասխանեմ՝ նույն բանը, ինչ հիմա է լինում Արցախի հանձնման պարագայում՝ հայաթափում և հանձնում։

• Իսկ եթե երկրում նման իշխանություն է, որ պատերազմի պատրաստվելու և այդպիսով երկիրը պաշտպանելու փոխարեն պատրաստակամորեն կատարում է թշնամու պահանջները, ուրեմն այդ իշխանությունն ազգային չէ, այլ թշնամական է, նույն ինքը՝ կոլաբորացիոնիստական, ինչպես Վիշիի կառավարությունը։

• Հայաստանում պետք է լինի ազգային իշխանություն»։