կարևոր
3364 դիտում, 1 տարի առաջ - 2022-12-29 22:38
Աշխարհ

Լեհաստանը պատրաստ է արգելել ռուսական նավթի վաճառքը

Լեհաստանը պատրաստ է արգելել ռուսական նավթի վաճառքը

Լեհաստանը պատրաստ է արգելել ռուսական նավթի վաճառքն այն երկրներին, որոնք գների սահմանափակում են մտցրել, հայտարարել է կլիմայի նախարար Աննա Մոսկվան, հայտնում է Reuters-ը։

G7-ի երկրները եւ նրանց դաշնակիցները, ներառյալ Լեհաստանը, այս ամիս պայմանավորվել են ռուսական ծովային նավթի գների 60 դոլար վերին մակարդակի մասին՝ մեկ բարելի դիմաց: Ի պատասխան՝ նախագահ Վլադիմիր Պուտինը հրամանագիր է ստորագրել, որով փետրվարի 1-ից արգելվում է հում նավթի եւ նավթամթերքի մատակարարումը այն երկրներին, որոնք պահպանում են սահմանափակումները։

Լեհաստանն աստիճանաբար նվազեցնում է ռուսական նավթի սպառումը, իսկ Ուկրաինայում պատերազմի սկսվելուց հետո դադարեցրել է ծովով առաքվող ռուսական նավթ գնումը, հայտնել է նավթավերամշակման խոշորագույն PKN Orlen գործարանը։ Ընկերությունն ասում է, որ նավթի այլընտրանքային մատակարարումներ ապահովել է Saudi Aramco-ի հետ համագործակցության շնորհիվ:

«Մենք պատրաստ ենք վերամշակել նավթի բոլոր տեսակները, դա մեր առավելությունն է»,- մամուլի ասուլիսում հայտարարել է կլիմայի եւ շրջակա միջավայրի նախարար Աննա Մոսկվան։

Նրա խոսքով՝ ԵՄ պատժամիջոցների հաջորդ փաթեթը կներառի ռուսական նավթն արգելելու մասին որոշում։

Լեհաստանը եւ Գերմանիան խոստացել են գարնանը փորձել դադարեցնել ռուսական նավթի ներմուծումը «Դրուժբա»-ի հյուսիսային ճյուղով մինչեւ տարեվերջ, սակայն Orlen-ը շարունակում է կապված լինել ռուսական նավթագազային «Տատնեֆտ» ընկերության հետ իր պայմանագրին։

«Մենք կարծում ենք, որ պատժամիջոցների հաջորդ փաթեթը կներառի նավթի վերաբերյալ որոշում,- ասել է Մոսկվան,- Պատժամիջոցները չեղարկում են «Տատնեֆտ»-ի հետ պայմանագիրը»։