կարևոր
3472 դիտում, 1 տարի առաջ - 2022-12-20 12:37
Քաղաքական

Հերթական անգամ իշխանությունն իր պարտականությունը բարդում է Ռուսաստանի վրա․ Արծվիկ Մինասյան

Հերթական անգամ իշխանությունը փորձում է մանիպուլյացիա անել և հերթական անգամ բարդում է իր պարտականությունը Ռուսաստանի վրա։ ՈՒզում եմ հիշեցնել, որ եռակողմ հայտարարությունը սկզբից ամոթով, բայց հետո հպարտությամբ էիք հիշատակում ձեր իշխանությունն է հանձնել Քաշաթաղը, այլընտրանքային ճանապարհը Լաչինի, ձեր իշխանությունն է ստանձնել պարտավորություն լինել Արցախի երաշխավորը։ Այս մասին Ազգային Ժողովի ամբիոնից հայտարարեց ՀՅԴ ԳՄ անդամ, ՀՀ ԱԺ «Հայաստան» խմբակցության պատգամավոր Արծվիկ Մինասյանը։

«Հիմա եկել եք այստեղ լոլոներ եք կարդում, թե գնացեք ռուսներից պահանջեք։ Ռուսներից էլ պետք է պահանջենք, բայց առաջին պատասխանատուն դուք եք, Հայաստանի իշխանությունն է, որ երկիրը հասցրել է այս օրին։ Հիմա արտաքին հետախուզական ծառայություն եք ստեղծում, ՊՊԾ-ն եք հանում տանում, թե սուլթանական-իշխանական համակարգ եք ստեղծում մեկ անձի շուրջ։ Դա ոչ մի ձև չի կարող փարատել այն մտահոգությունը, որ Արցախը շրջափակման մեջ է։ Անվտանգության երաշխավորության ստանձնումն ի դեպ դուք ինքներդ եք գրել, ձեր ծրագրում եք գրել։ ԱԽ գրասենյակի գործողությունների ծրագրում գրված է Արցախի հանրապետության իրավունքների պաշտպանություն։ Բոլոր երկրներում էլ, իսկ առավել ևս Հայաստանի և Արցախի թիվ մեկ պատասպանատուն դուք եք»,- ասաց նա։

Պատգամավորը նշեց, որ 2 ու կես ամիս է հարցադրումներ են ուղարկել իշխանությանը, բայց մինչև հիմա պատասխան չկա։