Կիևում ռուսաց լեզուն հանվել է մանկապարտեզների և դպրոցների ուսումնական ծրագրերից

Կիևի իշխանություններն արգելել են մանկապարտեզներում և դպրոցներում ռուսերենով ուսուցումը և երեխաներին այդ լեզուն սովորեցնելը։ Համապատասխան որոշում է կայացրել Կիևի քաղաքային խորհուրդը։

«Ներկա պայմաններում Կիև քաղաքի տարածքային համայնքի համայնքային սեփականություն հանդիսացող նախադպրոցական և հանրակրթական ուսումնական հաստատություններում ուսումնական գործընթացի ռուսերենով անցկացումն ու ռուսաց լեզվի ուսումնառությունն անպատշաճ և ոչ ճիշտ է», - ասվում է խորհրդի մամուլի ծառայության հաղորդագրությունում:

Կիևի քաղաքային խորհուրդում կրթության և գիտության, ընտանիքի, երիտասարդության և սպորտի հարցերով մշտական հանձնաժողովի ղեկավար Վադիմ Վասիլչուկի խոսքով՝ այս դեպքում սա ազգային անվտանգության հարց է։ Նա նշել է, որ «աննպատակահարմար և սխալ» է ուսումնական գործընթացն անցկացնել ռուսերեն և ուսումնասիրել այն մանկապարտեզներում և դպրոցներում: