Ուկրաինան հայտարարել է, որ մայիսի 9-ը վճռորոշ է լինելու ճակատում

Երկուշաբթի՝ մայիսի 9-ը, վճռորոշ կլինի Լուգանսկի մարզում ռազմաճակատում իրավիճակի զարգացման առումով. հայտարարել է Լուգանսկի շրջանային ռազմական վարչակազմի ղեկավար Սերգեյ Գայդայը։

Նրա խոսքով՝ Ռուբիժնոյեի և Բելոգորովկայի շրջանում լուրջ մարտեր են ընթանում։ Ռուսները փորձում են գրավել «կյանքի ճանապարհը»՝ Լիսիչանսկ-Բախմուտ մայրուղին, միակ օղակը, որով մարդասիրական օգնություն է հասնում, և մարդիկ են տարհանվում։

«Ռուսները Սևերսկի Դոնեցով տեխնիկա տեղափոխեցին մյուս ափ: Եթե նրանք ամրապնդվեն, կկարողանան հարձակողական գործողություններ սկսել և մոտենալ ճանապարհին՝ կտրելով Լուգանսկի շրջանը, ինչը կնշանակի անվտանգության և  այլ տարածաշրջանների հետ հաղորդակցության միակ ուղու կորուստ»,- ասել է Գայդայը, որին մեջբերում են ուկրաինական լրատվամիջոցները։