Ռուսաստանը կարտաքսի Գերմանիայի դեսպանատան 40 աշխատակցի

Ռուսաստանը պերսոնա նոն գրատա է հայտարարել Գերմանիայի դիվանագիտական առաքելության 40 աշխատակցի։ Այս մասին ասվում է ՌԴ արտաքին գործերի նախարարությանն ուղղված հաղորդագրության մեջ։

«Ապրիլի 25-ին Ռուսաստանի Դաշնությունում Գերմանիայի Դաշնային Հանրապետության դեսպան Գեզա Անդրեաս ֆոն Գեյրը կանչվել է ՌԴ ԱԳՆ։ Գերմանիայի դեսպանին նոտա է հանձնվել, որում «պերսոնա նոն գրատա» են հայտարարվում Ռուսաստանում գերմանական դիվանագիտական հաստատությունների 40 աշխատակիցներ՝ որպես սիմետրիկ պատասխան Գերմանիայի կառավարության որոշմանը»։

Ապրիլի 4-ին Բեռլինում Ռուսաստանի դեսպանը կանչվել է Գերմանիայի ԱԳՆ, որտեղ նրան տեղեկացրել են ՌԴ դիվանագիտական ներկայացուցչության 40 աշխատակիցների արտաքսման մասին։