Էստեղ պահում ենք գաղափարը, որի համար կռվել ենք. «խզված ձայնով» հրետանավորն Ազատության հրապարակում է

Երեկվանից հայտարարել եմ՝ եկել եմ Ազատության հրապարակ՝ հանուն Արցախի պետականության և իմ հայրենակիցների՝ Արցախում ապրելու իրավունքի ու սատարում եմ պատերազի մասնակից հացադուլավոր ընկերներիս և այն բոլոր համախոհներին, որոնց համար բացարձակ արժեք է Հայրենիքն ու Արցախը․ լրագրողների հետ զրույցում նշեց 44-օրյա պատերազմի մասնակից, հրետանավոր Մնացական Ավետիսյանը, որը միացել է հացադուլավոր ընկերների պայքարին:

«Դիմում եմ նորից անկախության սերնդին՝ կոչով, որ այսօր՝ 19.30-ին, գան հրապարակ, ու այստեղ բաց երկնքի տակ քննարկենք մեր անելիքները, գեներացնենք այն պոտենցիալ ուժը, որը կկանգնեցնի Հայրենիքի կործանումը»,- ասաց նա:

Հրետանավորը զուգահեռներ է տանում այս օրերի պայքարի ու պատերազմի օրերի պայքարի  հետ.  «Պատերազմի օրերին Արցախում պահում էինք խրամատը, հացադուլավոր ընկերներիս հետ  միացել եմ այստեղ այդ գաղափարը պահպանելու համար»:

Մանրամասն՝ տեսանյութում։