կարևոր
2641 դիտում, 1 տարի առաջ - 2023-04-05 15:29
Քաղաքական

Քաղաքացի-համատիրություն կապը շատ հաճախ խզված է․ տեղեկատվական բաց կա․ Գառնիկ Դանիելյան

Քաղաքացի-համատիրություն կապը շատ հաճախ խզված է․ տեղեկատվական բաց կա․ Գառնիկ Դանիելյան

ՏՏԳՇՄՊ հարցերի մշտական հանձնաժողովի հերթական նիստի ընթացքում հարց ուղղեցի ՀՀ տարածքային կառավարման եւ ենթակառուցվածքների նախարարի տեղակալ Վաչե Տերտերյանին, թե ի՞նչ աշխատանքներ, միջոցառումներ են տարվում բազմաբնակարան շենքերի բնակիչների իրավունքների և պարտականությունների պատշաճ իրազեկման առումով։ Ակնհայտ է, որ այս առումով տեղեկատվական բաց կա։ Քաղաքացի-համատիրություն կապը շատ հաճախ խզված է։

Բացի այդ, խնդիրներ առաջանում են նաև բյուջեի ոչ բավարար միջոցների պատճառով։ Օրինակ, Նոր Նորքի բազմաբնակարան շենքերից մեկում խողովակի վթարի արդյունքում ջրի արտահոսք է տեղի ունեցել, և շենքը դարձել է վթարային։

Համայնքապետարանն արձագանքում է, որ բյուջեում միջոցներ չկան խնդիրը լուծելու համար․ անհրաժեշտ է, որ Երևանի քաղաքապետարանը համապատասխան ծրագիր հաստատի։ Հասկանում ենք, որ այս ամենը երկար ժամանակ կպահանջի։ Իսկ մինչ այդ, քաղաքացիները ստիպված կլինեն բնակվել արդեն վթարային վիճակում հայտնված շենքում։

Նման հարցերը, որոնք կարող են մեր քաղաքացիների համար ճակատագրական նշանակություն ունենալ և առողջական լուրջ խնդիրների պատճառ հանդիսանալ, առավել լրջությամբ պետք է ուսումնասիրվեն՝ ստանալով հրատապ լուծում։

Վաչե Տերտերյանը համաձայնեց՝ նշելով, որ վթարային իրավիճակների համար համայնքները պետք է առանձին բյուջետավորում ունենան և հասանելիություն՝ տվյալ համատիրությանը։ Վերջինս խոստացավ, որ իմ հնչեցրած հարցը կներկայացնի որպես առաջարկ։

 

Գառնիկ Դանիելյան

ՀՀ ԱԺ «Հայաստան» խմբակցության պատգամավոր

ՀՅԴ Տավուշի Մարզային կոմիտեի ներկայացուցիչ