Փոխարժեքներ
28 10 2024
|
||
---|---|---|
USD | ⚊ | $ 387.13 |
EUR | ⚊ | € 418.76 |
RUB | ⚊ | ₽ 3.98 |
GBP | ⚊ | £ 502.61 |
GEL | ⚊ | ₾ 141.68 |
Հունաստանում ԱՄՆ դեսպան Ջեֆրի Պյատը հայտարարել է, որ Միացյալ Նահանգները կկանգնի Հունաստանի կողքին արտաքին քաղաքականության հարցում՝ հակազդել Թուրքիայի «ագրեսիվ հռետորաբանությանը». հաղորդում են հունական լրատվամիջոցները:
Դիվանագետը նման հայտարարություն է արել Վաշինգտոնում կայացած տնտեսական ֆորումում։ Նա նշել է, որ Հունաստանն ավելի քան 10 տարվա ճգնաժամից հետո հաջողությամբ վերականգնել է իր տնտեսությունը, իսկ արտաքին քաղաքականության մեջ կան ձեռքբերումներ։ Այս առումով ամերիկացի դիվանագետն ընդգծել է Հունաստանի և Հյուսիսային Մակեդոնիայի միջև 2018 թվականին ձեռք բերված համաձայնությունը, որից հետո Հյուսիսային Մակեդոնիայի համար բացվել է ՆԱՏՕ-ին անդամակցելու ճանապարհը։
Հունաստանի ԱԳ նախարարի առաջին տեղակալի գրասենյակը ԱՄՆ դեսպանի հայտարարությունն է տարածել, որում ասվում է. «Հունաստանը պատմության ճիշտ կողմում է և վայելում է ԱՄՆ աջակցությունը արտաքին քաղաքականության կարևոր հարցերում, ինչպիսին է Թուրքիայի ագրեսիվ հռետորաբանությունը»: