Ադրբեջանը Ուկրաինայի հարցում կաջակցի Ռուսաստանին

Ադրբեջանի Միլի մեջլիսի նախագահ Օքթայ Ասադովը խոստացել է աջակցել Ռուսաստանին Ուկրաինայի հարցում`  ԵԱՀԿ Խորհրդարանանական վեհաժողովի հունիսյան նստաշրջանում, որը կանցկացվի Բաքվում. հայտնում է haqqin.az-ը: Այդ մասին նա հայտարարել է Պետդումայի նախագահ Սերգեյ Նարիշկինի հետ հանդիպման ժամանակ:

«Մենք հետևում ենք Ուկրաինայի հարավ-արևելքում ստեղծված իրավիճակին, հասկանում ենք Ռուսաստանի սպասումները, տեսնում ենք այդ ամենը: Կարծում եմ, որ, լինելով ռազմավարական գործընկերներ, ԵԱՀԿ-ում նույնպես հանդես կգանք նույն հարթակից»,- ասել է Ասադովը՝ ընդգծելով, որ Ադրբեջանը հսկայական նշանակություն է տալիս ՌԴ-ի հետ երկկողմ հարաբերություններին: