Ղազախստանը մտադիր է 10 անգամ ավելացնել կրիպտոարժույթների մայնինգի հարկը

Ղազախստանը մտադիր է 10 անգամ ավելացնել կրիպտոարժույթների մայնինգի հարկը. երկրի էկոնոմիկայի նախարարությունն առաջարկում է սպառված էլեկտրաէներգիայի մեկ կիլովատտ/ժամի համար վճարը 1 տենգեից հասցնել  10 տենգեի։

Գործակալության տվյալներով՝ այժմ մոտ 640 ՄՎտ էլեկտրաէներգիա սպառվում է պաշտոնապես գրանցված մայնինգային ընկերությունների կողմից։ Էներգետիկայի նախարարության տվյալներով՝  էլեկտրաէներգիայի ապօրինի սպառումը մայնինգով զբաղվողների կողմից կարող է հասնել գրեթե 1,4 գիգավատտի։

Մայնինգի հարկի բարձրացման անհրաժեշտության մասին անցյալ շաբաթ հայտարարեց նախագահ Տոկաևը։ 

Փորձագետների կարծիքով՝ Ղազախստանը աշխարհում երկրորդ տեղում է՝ մայնինգի առումով։ Առաջինը ԱՄՆ-ն է, երրորդը՝ Ռուսաստանը։ 

Հիշեցնենք, որ հունվարի սկզբից Ղազախստանում սկսված անկարգությունների պատճառով կրիպտոարժույթների շուկան անկում էր ապրել: