Քերոբյանին ես եմ արգելել հրաժարական տալ, ես կորոշեմ՝ կառավարության որ անդամն ինչքան կաշխատի

Այսօր Կառավարություն-Ազգային ժողով հարցուպատասխանի ժամանակ «Հայաստան» խմբակցության պատգամավոր Արեգնազ Մանուկյանը կրկին հնչեցրեց հարցը, թե Էկոնոմիկայի նախարար Վահան Քերոբյանը երբ է հրաժարական տալու, որովհետև բազմիցս խոստացել էր, որ երկնիշ տնտեսական աճ չապահովելու դեպքում հրաժարական է տալու։

Պատգամավորի հարցին այս անգամ պատասխանեց ոչ թե Քերոբյանը, որն ասել էր, թե կատակել է, այլ վարչապետ Փաշինյանը։

«Պարոն Քերոբյանին ես եմ արգելել հրաժարական տալ, և ես կորոշեմ՝ յուրաքանչյուր նախարար և կառավարության անդամ որքան կաշխատի և որքան չի աշխատի»,- ընդգծեց նա։

Արեգնազ Մանուկյանն արձագանքեց, որ էլ չի էլ մեղադրում Վահան Քերոբյանին, որովհետև, մեծ հաշվով, նա կրկնում է խոստումներ տալու և չկատարելու՝ Փաշինյանի գործելաոճը։