Թուրքիան սպառնում է բոսնիացի սերբերին

Թուրքիայի պաշտպանության նախարար Հուլուսի Աքարը դեկտեմբերի 27-ին Սարաևոյում մի շարք աղմկահարույց հայտարարություններ է արել:

Բոսնիա և Հերցեգովինայի պաշտպանության նախարար Սիֆեթ Պոջիչի հետ մամուլի ասուլիսի ժամանակ Հուլուսի Աքարն ասել է. «Բոսնիա և Հերցեգովինայում անջատողականության հռետորաբանությունը ոչ մեկին օգուտ չի բերի։ Մենք Թուրքիայում Բոսնիա և Հերցեգովինայի ժողովրդին որպես մեկ ամբողջություն ենք տեսնում։ Մենք ուշադիր հետևում ենք իրավիճակին, շահագրգիռ կողմերին  խոհեմության և առավելագույն զսպվածության կոչ ենք անում... Մենք փորձում ենք օգտագործել բոլոր հնարավորությունները՝ զարգացնելու հարաբերությունները Բոսնիա և Հերցեգովինայի հետ տարբեր ոլորտներում, հատկապես` պաշտպանության և անվտանգության հարցերում։ Ես բոսնիացի նախարարին հայտնել եմ Թուրքիայի` հնարավոր բոլոր աջակցության վերաբերյալ  պատրաստակամության մասին»,-  հաղորդում է Anadolu գործակալությունը։

Իր հերթին Պոդզիչը հայտարարել է. «Թուրքիայի Հանրապետությունը ոչ միայն ՆԱՏՕ-ի անդամ է, այլեւ Բոսնիա եւ Հերցեգովինայի բարեկամ երկիր»։

Սարաևոյի միջազգային համալսարանի ուսանողների հետ հանդիպման ժամանակ Աքարը հնչեցրել է նաև Անկարայի դիրքորոշումը. «Դեյթոնյան համաձայնագրերի բոլոր կետերն ուժի մեջ են մտնում այսօր։ Ուստի շատ կարևոր է հնարավորինս շուտ հաղթահարել քաղաքական ճգնաժամը այս երկրում... Կողմերի դիմումի դեպքում մենք միշտ պատրաստ ենք միջնորդական առաքելությամբ հանդես գալ»: