«Ռուսաստանը լկստվել է». Թուրքիան սպառնում է նեղուցները փակել ռուսական նավերի համար

Համալսարանների միջազգային խորհրդի հիմնադիր նախագահ Օրհան Հիքմեթ Ազիզօղլուն, նշելով, որ պատերազմի դեպքում Թուրքիային մի շարք իրավունքներ են տրված, որոնց շրջանակներում Թուրքիան, «երկրի անվտանգության նկատառումներից ելնելով», կարող է փակել նեղուցները ռուսական նավերի համար:

AA-ի հետ զրույցում Ազիզօղլուն ասել է, որ Ռուսաստան-Թուրքիա լարվածությունը երկու երկրներին էլ օգուտ չի բերի, այլ «կառաջացնի շատ լուրջ խնդիրներ»:

«Ռուսաստանը բախում չի ցանկանում, սակայն, Ռուսաստանի ներկայիս արձագանքի հետ կապված, շատ կարևոր գործոն կա: Սկզբում Ուկրաինայում շատ կարևոր խնդիրներ առաջացրեց: Արևմտյան հասարակությունը դրանց խիստ արձագանքեց, սակայն ոչինչ չձեռնարկեց դրանց դեմ, ինչն էլ, Ռուսաստանին ավելի համարձակ դարձրեց` օկուպացրեց Ղրիմն ու դարձյալ ոչ մի պատասխան չստացավ: Ահա այսքանից հետո էլ լկստվեց»,- ասել է թուրք պաշտոնյան:

Ազիզօղլուի խոսքով՝ «ոչ մի երկիր մեկ ուրիշի «լավ տղան» չէ»: «Երկրների զենքի հզորությունը` ուղղված ռազմական իմպերիալիզմին կամ տնտեսական զարգացմանը, իրավունք չի տալիս խախտելու այլ երկրների սահմանները: Այս դեպքում Ռուսաստանը վրիպեց»,-ասել է նա: