Փաշինյանը դժբախտացրեց Հայաստանը ու երջանկացրեց Ադրբեջանը. ըստ Gallup-ի` Հայաստանն ամենադժբախտ երկրների ցուցակում է

Հայաստանը երջանկության ամենացածր ցուցանիշ ունեցող երկրների տասնյակում է։ Այս մասին են վկայում Անկախ հետազոտական գործակալությունների միջազգային ասոցիացիայի՝ Gallup International-ի եւ «Ռոմիր» հետազոտական հոլդինգի անցկացրած հարցման տվյալները։

Երջանկության ինդեքսը կյանքից գոհ և դժգոհ լինելու տարբերությունն է։ Այս ցուցանիշով Հայաստանը (+ 20) զբաղեցրել է յոթերորդ տեղը՝ առաջ անցնելով Իրաքից (17), Հոնկոնգից (11), Աֆղանստանից (9), Գանայից (2) և Հյուսիսային Մակեդոնիայից։

Հարցման ընթացքում Հայաստանի բնակիչների 42%-ը նշել է, որ «ոչ գոհ է, ոչ՝ դժգոհ» իր կյանքից, 14%-ը դժգոհ է, 5%-ը՝ շատ դժգոհ։

Միաժամանակ, Հայաստանի քաղաքացիների 30%-ը գոհ է իր կյանքից, իսկ 9%-ը՝ շատ գոհ։

Նշենք, որ երջանիկ երկրների թոփ 5-ում ներառվել են Կոլումբիան (+79), Ղազախստանը (+76), Ալբանիան (+74), Մալայզիան (+73) և Ադրբեջանը (+70):