կարևոր
1582 դիտում, 3 ամիս առաջ - 2023-12-20 15:54
Հասարակություն

Երևանցիների 69%-ը դեմ է «կարմիր գծերի» թանկացմանը. «GALLUP»

Երևանցիների 69%-ը դեմ է «կարմիր գծերի» թանկացմանը. «GALLUP»

Այսօր հրավիրված ասուլիսում լրագրողների հետ զրույցում «GALLUP International association»-ի հայաստանյան ներկայացուցչության տնօրեն Արամ Նավասարդյանը ներկայացրել է Երևան քաղաքի խնդիրներին վերաբերվող վերջին սոցհարցումների արդյունքները:

Հարցումն իրականացվել է Երևանի 800 բնակչի շրջանակում հեռախոսազանգերի միջոցով դեկտեմբերի 13-ից 16-ը:

Ըստ հարցման արդյունքների Երևան քաղաքի բնակիչների մեծ մասը բացասական վերաբերմունք ունի Երևանի ավագանու որոշման նախագծին, ըստ որի՝ 2024 թվականի հունվարի 1-ից մայրաքաղաքի կենտրոնում ավտոկայանատեղիում կարմիր գծերում կայանելու համար վճարը կսահմանվի 160,000 դրամ, իսկ կենտրոնից դուրս 24,000 դրամ:

Ընդհանուր Երևանի բնակիչների շրջանում 13%-ը լիովի դրական է վերաբերվում որոշմանը, 13,1%-ը ավելի շուտ դրական, 16,1%-ը ավելի շուտ բացասական, 52,9%-ը ընդհանրապես բացասական:

Հարցումն առանձին իրականացվել է Կենտրոնի բնակիչների շրջանակում և վարորդների շրջանակում, սակայն թիվը առանձնապես չի փոխվել:

․․․

Ըստ հարցման Երևանի փոփոխությունները վերջին 1 տարվա ընթացքում քաղաքացիների համար առաջին տեղում ավելի շուտ դրական է, երկրորդ տեղում՝ լիովին դրական, երրորդ տեղում՝ ավելի շուտ բացասական:

Երևանի առջև կանգնած ամենակարևոր խնդիրների շարքը գլխավորում են հասարակական տրանսպորտի, երթևեկության, խցանումների, կայանատեղիների և աղբահանության խնդիրները:

Խնդիրների շարքը հետևյալն է՝

Հասարակական տրանսպորտի խնդիր՝ 32,9%

Երթևեկության, խցանումների, կայանատեղիների խնդիրներ՝ 27,5%

Աղբահանության խնդիր՝ 24,6%

Բնապահպանության խնդիր՝ 15,4%

Թափառող շներ՝ 15.3%

Ճանապարհների վատ վիճակ՝ 12,9%: