ԱՄՆ-ը մոտ 80 տոննա զինամթերք է մատակարարել Ուկրաինա

ԱՄՆ-ը մոտ 80 տոննա զինամթերք է մատակարարել Ուկրաինա օգոստոսին նախագահ Ջո Բայդենի հաստատած՝ 60 մլն դոլարի ռազմական օգնության շրջանակներում. հայտնում է Ուկրաինայում ԱՄՆ դեսպանատունը։

«Ուկրաինան ԱՄՆ-ից ստացել է մոտ 80 տոննա զինամթերք։ Սա  լրացուցիչ անվտանգության չորրորդ օգնությունն էր՝ 60 միլիոն դոլար արժողությամբ, որը նախագահ Բայդենը տրամադրեց Ուկրաինային օգոստոսին՝ ցույց տալով Ամերիկայի աջակցությունը կայուն, ժողովրդավարական և ազատ Ուկրաինային»,- ասվում է դեսպանատան Twitter-ում:

Օգոստոսի 27-ին ԱՄՆ նախագահը հանձնարարել է Պենտագոնի հաշվին Ուկրաինային 60 մլն դոլար հատկացնել։ Միջոցներն ուղղվել են պաշտպանության նախարարության համար նախատեսված պաշտպանական արտադրանքներին և ծառայություններին, ինչպես նաև ռազմական կրթությանն ու վերապատրաստմանը: Ուկրաինային տրամադրվող ռազմական օգնության այս փաթեթը ներառում է նաև Javelin հակատանկային հրթիռային համակարգեր։