Թալիբները ամերիկյան զինտեխնիկայով զորահանդես են արել Քաբուլի փողոցներում

Թալիբներն Աֆղանստանի մայրաքաղաքում կիրակի օրը ռազմական շքերթ են անցկացրել՝ ցուցադրելով գրաված ամերիկյան ռազմական տեխնիկան։

Reuters-ի հաղորդմամբ՝ շքերթին մասնակցել են մի քանի տասնյակ ամերիկյան M-117 զրահափոխադրիչներ, որոնք պարեկություն են իրականացրել Քաբուլի գլխավոր ճանապարհին՝ Մի-17 ուղղաթիռների աջակցությամբ։ Թալիբների շատ զինվորներ կրում են ամերիկյան արտադրության N-4 ինքնաձիգներ:

Ներկայումս թալիբների կիրառած զենքի և տեխնիկայի մեծ մասը Վաշինգտոնը տրամադրել էր իր աջակցությունը վայելող՝ Աֆղանստանի նախկին կառավարությանը:

Բրիտանական գործակալությունը, անդրադառնալով Աֆղանստանում տեղակայված ամերիկյան զորքերից թալիբների կողմից խլված ռազմական տեխնիկային,  վերջերս գրել էր. «ներկայումս թալիբների բանակը  ՆԱՏՕ-ում ամենահզոր երրորդ բանակն է»: