Բայդենը ևս մեկ տարով երկարաձգել է Իրանի դեմ «արտակարգ դրությունը»

ԱՄՆ նախագահ Ջո Բայդենը երեքշաբթի մեկ տարով երկարաձգել է Իրանի դեմ «ազգային արտակարգ դրությունը»։

Ըստ Fars լրատվական գործակալության` Սպիտակ տան հայտարարության մեջ ասվում է. «1979թ. նոյեմբերի 14-ին ԱՄՆ-ի՝ այն ժամանակվա նախագահը արտակարգ դրություն հայտարարեց Իրանի համար՝ երկրի ազգային անվտանգությանը, արտաքին քաղաքականությանը և տնտեսությանը սպառնացող ծայրահեղ վտանգի դեմ պայքարելու նպատակով»։

Հայտարարության մեջ ասվում է. «Իրանի հետ մեր հարաբերությունները դեռ չեն կարգավորվել, և Իրանի հետ 1981 թվականի հունվարի 19-ի պայմանավորվածությունների կատարման գործընթացը շարունակվում է։ Այդ իսկ պատճառով 1979 թվականի նոյեմբերի 14-ին հայտարարված ազգային արտակարգ դրությունը և միջոցառումները պետք է շարունակվեն 2021 թվականի նոյեմբերի 14-ից հետո։ Այդ կապակցությամբ ես երկարաձգում եմ Իրանի նկատմամբ արտաքին դրությունը»։

Իրանի նկատմամբ ԱՄՆ կառավարության գործողությունները տեղի են ունենում այն ժամանակ, երբ նոյեմբերի 29-ին Վիեննայում պետք է վերսկսվեն բանակցությունները Իրանի և 4+1 խմբի միջև Համագործակցության համապարփակ համաձայնագրի վերականգնման շուրջ։