Սահակաշվիլին հացադուլ է հայտարարել

Վրաստանի նախկին նախագահ Միխեիլ Սահակաշվիլին, որին ձերբակալել են երեկ Թբիլիսիում, հացադուլ է հայտարարել: Այս մասին հայտարարել է Վրաստանի մարդու իրավունքների պաշտպան Նինո Լոմջարիան պետության նախկին ղեկավարի հետ հանդիպումից հետո. հայտնում է ՏԱՍՍ-ը:

«Երբ ես ներս մտա, նա բժշկի մոտ էր և բուժզննում էր անցնում: Հետո մեզ հնարավորություն տրվեցին շփվել խցում: Միխեիլ Սահակաշվիլին ասաց, որ հացադուլ է սկսում»,- ասել է Լոմջարիան:

Նա ընդգծել է, որ, ըստ քաղաքական գործչի, ոստիկանությունը ուժ չի կիրառել հատուկ գործողության ընթացքում, և ինքն էլ դիմադրություն չի ցույց տվել:

Հոկտեմբերի 1-ին հանրապետության վարչապետ Իրակլի Ղարիբաշվիլին հայտարարել էր, որ ութնամյա արտաքսումից հետո երկիր վերադարձած Սահակաշվիլին ձերբակալվել է իրավապահների կողմից և կալանքի տակ է: Նա նշել էր, որ ոստիկանությունը նախնական տեղեկություններ ուներ փախած քաղաքական գործչի`Ուկրաինայից Վրաստան տեղաշարժերի մասին:

Սահակաշվիլիի դեմ երկրում մի շարք քրեական գործեր էին հարուցվել նախկինում։