Մենք չենք կարգավորի հարաբերությունները Սիրիայի հետ. ԱՄՆ

ԱՄՆ պետդեպարտամենտի ներկայացուցիչը հայտարարել է, որ Վաշինգտոնը մտադիր չէ կարգավորել կամ ընդլայնել դիվանագիտական հարաբերությունները Սիրիայի նախագահ Բաշար Ասադի կառավարության հետ:

Ըստ Reuters-ի՝ հարցին, թե արդյո՞ք Ամերիկան աջակցում է Սիրիայի և Հորդանանի մերձեցմանը, պետդեպարտամենտի ներկայացուցիչը պատասխանել է. «ԱՄՆ–ը չի խրախուսում նաև այլոց՝ Սիրիայի հետ հարաբերությունների կարգավորումն ու զարգացումը»։

Հայտարարությունները հնչել են այն բանից հետո, երբ չորեքշաբթի Հորդանանը վերաբացել է Սիրիայի հետ իր հիմնական սահմանային անցակետը` խթանելու  համար երկու երկրների տնտեսություններին հասցված վնասը և քաջալերելու արաբական երկրներին, որ միավորեն Սիրիան քաղաքացիական պատերազմից հետո:

Սակայն երեքշաբթի ԱՄՆ պետդեպարտամենտը պաշտպանել էր Ամմանի հայտարարությունը Հորդանանի և Սիրիայի միջև առևտրային չվերթերի վերսկսման մասին: Պետքարտուղարության խոսնակի տեղակալ Ջալինա Պորտերը նշել է, որ «քանի դեռ դա վերաբերում է առևտրային չվերթերին, մենք ողջունում ենք դրանք»: