Մենք Թուրքիայի հետ ռազմական բախում չենք ցանկանում. Սիրիայի ԱԳՆ

Սիրիան Թուրքիայի հետ ռազմական բախում չի ցանկանում: Այդ մասին այսօր հայտարարել է Սիրիայի ԱԳ նախարար Վալիդ Մուալեմը Չինաստանի ԱԳ նախարարի հետ հանդիպումից հետո կայացած մամուլի ասուլիսում. հայտնում է РИА Новости-ն:

«Առաջին հերթին` մենք պատերազմ չենք ցանկանում մեր և թուրքական զորքերի միջև: Դա մեր սկզբունքային դիրքորոշումն է»,- ասել է Մուալեմը` մեկնաբանելով Թուրքիայի նախագահի ավելի վաղ արած հայտարարությունը, թե Անկարան կպատասխանի սիրիական Իդլիբում իր դիտորդական կետերի վրա հարձակման դեպքում:

Հիշեցնենք, որ երեկ Թուրքիայի ՊՆ-ն հայտարարել է, որ իր` Իդլիբում գտնվող դիրքը գնդակոծվել է  Սիրիայի կառավարական բանակի հսկողության տակ գտնվող տարածքից, վիրավորվել է 3 զինծառայող: