ՏԵՍԱՆՅՈՒԹ․ Արցախում ՀՀ ԱԺ «Հայաստան» խմբակցությունը մասնակցել է հատուկ նիստին․ մանրամասնում է Արթուր Խաչատրյանը

«Հայաստան» խմբակցության 11 պատգամավորներ Արցախում մասնակցել են ԱԺ հատուկ նիստին՝  Արցախի Հանրապետության անկախության միջոցառումների շրջանակում։ Նրանց հետ Արցախում են նաև «Քաղաքացիական պայմանագրի» 7 պատգամավորներ և «Պատիվ ունեմ» խմբակցության 1 պատգամավոր։ Պատվիրակության ղեկավարը ԱԺ փոխնախագահն է։

«Իհարկե, մեզ համար ընդունելի չէ, որ մանավանդ այսօր, երբ Արցախը ամենից շատ կարիք ունի Հայաստանի քաղաքական աջակցությանը, պատվիրակության ղեկավարը ԱԺ նախագահը չէ, և ո՛չ վարչապետ Նիկոլ Փաշինյանը, ո՛չ նախագահ Արմեն Սարգսյանը այսօր այստեղ չեն և չեն մասնակցել Արցախի ԱԺ հատուկ նիստին»,-Yerkir.am-ին ասաց ՀՅԴ ՀԳՄ անդամ, ՀՀ ԱԺ «Հայաստան» դաշինքի պատգամավոր Արթուր Խաչատրյանը։

1 ժամանոց հանդիսավոր նիստից հետո «Հայաստան» դաշինքի անդամները հանդիպել են Արցախի ԱԺ ընդդիմադիր խմբակցությունների ներկայացուցիչների հետ։

«Քննարկել ենք Արցախի առջև ծառացած խնդիրները՝ ինչով կարող է և պարտավոր է Հայաստանի Հանրապետությունը աջակցել Արցախին այս դժվար օրերին, և, իհարկե, տեղեկատվության փոխանակում ենք արել, որովհետև Արցախը տեղեկատվական բլոկադայի մեջ է և ինչ է կատարվում Արցախում լայն հասարակությունը տեղեկացված չէ»,-ասաց Արթուր Խաչատրյանը։

Նիստի ընթացքում ելույթ է ունեցել Արցախի ԱԺ նախագահը, ՀԱԵ Արցախի թեմի առաջնորդը, 3 խմբակցությունների ներկայացուցիչներ։ Ելույթով հանդես է եկել նաև ՀՀ ԱԺ փոխնախագահ Ռուբեն Ռուբինյանը, «Հայաստան» դաշինքի պատվիրակության ղեկավար Արմեն Ռուստամյանը և պատգամավոր Արթուր Վանեցյանը։

Վաղը պատվիրակությունը կայցելի Պանթեոն։

Աննա Բալյան

Այլ մանրամասներ՝ տեսանյութում․