ՏԵՍԱՆՅՈՒԹ․ 2019թ․-ին այս ամբիոնից նույն մարդիկ ներկայացնում էին նմանատիպ մեկ այլ ծրագիր, որի ոչ մի դրույթ կյանքի չկոչվեց. Մինասյան

Հայաստանում առկա է խորագույն ներքաղաքական և անվտանգային ճգնաժամ, ինչը պայմանավորված է վերջին տարիներին Հայաստանի իշխանությունների վարած ապաշնորհ, ապիկար, անգրագետ քաղաքականությամբ, 44-օրյա դավադիր պատերազմով, դրա աղետալի և կործանարար հետևանքներով: Այս մասին այսօր ԱԺ-ում ելույթի ժամանակ ասաց «Հայաստան» խմբակցության քարտուղար Արծվիկ Մինասյանը:

«Ներքաղաքական ճգնաժամն ունի հավաքական և անհատական դեմք, անուն, ազգանուն և անվանում, ովքեր հիմա նստած են դահլիճում և պատրաստվում են ներկայացնել կառավարության 5-ամյա ծրագիր անունը կրող, իրականությունը քողարկող այս կեղծ փաստաթուղթը: 2019թ․-ին այս ամբիոնից նույն մարդիկ ներկայացնում էին նմանատիպ մեկ այլ կառավարության ծրագիր, որի ոչ մի դրույթ կյանքի չկոչվեց, այլ կիրառվեց այլ գաղտնի ու դավադիր ծրագիր»,-ասաց Մինասյանը:

Մանրամասները դիտեք տեսանյութում