ՄԻՊ-ը ԱԺ-ում լրագրողների աշխատանքի սահմանափակումների առնչությամբ ուսումնասիրություն է նախաձեռնել

Ազգային ժողովում լրագրողների մասնագիտական աշխատանքի սահմանափակումների առնչությամբ, Մարդու իրավունքների պաշտպանը տեղեկացնում  է, որ երեկվանից նախաձեռնել է ուսումնասիրություն՝ հրատապության սկզբունքով:

«Իրականացվում է լրագրողների ահազանգերի, դիմումների, պաշտոնական հրապարակային պարզաբանումների, ինչպես նաեւ միջազգային փորձի ու չափանիշների ուսումնասիրություն: Ահազանգերը քննարկվել են լրագրողների հետ, պաշտոնական պարզաբանումներ են հայցվել Ազգային ժողովից:

Ուսումնասիրության արդյունքներով Մարդու իրավունքների պաշտպանի դիրքորոշումը կհրապարակվի առաջնահերթության սկզբունքով»,– ֆեյսբուքի իր էջում գրել է ՄԻՊ–ը։