Բայդենը հայտարարել է, որ Ռուսաստանը պատասխան կտա կիբերհարձակումների համար

ԱՄՆ նախագահ Ջո Բայդենը հայտարարել է, որ Ռուսաստանը պատասխանատվություն է կրելու կիբերհարձակումների համար, որոնց ենթարկվում է Վաշինգտոնը:

«ՌԻԱ Նովոստի»-ն գրում է, որ լրագրողները Սպիտակ տան ղեկավարին հիշեցրել են, որ մի քանի շաբաթ առաջ նա Մոսկվային սպառնացել է հետևանքներով` ԱՄՆ ենթակառուցվածքի վրա հաքերային հարձակումների համար, չնայած հանգամանքին, որ Վաշինգտոնը չունի որևէ ապացույց Ռուսաստանի ներգրավվածության մասին: Բայդենին հարցրել են՝ արդյո՞ք այս խոստումն ուժի մեջ է, ինչին նա դրական է պատասխանել:

Ուրբաթ Բայդենը հեռախոսազրույց է  ունեցել Վլադիմիր Պուտինի հետ, որի ընթացքում ղեկավարները շարունակել են երկխոսությունը կիբերհանցագործությունների դեմ պայքարի վերաբերյալ և շեշտել այս ոլորտում կառուցողական համագործակցության անհրաժեշտությունը: Ըստ Բայդենի՝ կիբերհարձակումներն իրականացնում են «Ռուսաստանում հիմնված» կիբերհանցագործները: Ամերիկայի նախագահը համարում է, որ Մոսկվան պետք է միջոցներ ձեռնարկի հաքերների գործունեությունը ճնշելու համար: