Թուրքիայի ռազմածովային ուժերը կզինվեն «անօդաչու» մոտորանավակներով

Թուրքական նավատորմը շուտով կստանա ներքին արտադրության 2 ժամանակակից անօդաչու մոտորանավակներ:

Նախատեսվում է, որ թուրքական ռազմական ASELSAN կազմակերպության և SEFINE պաշտպանական նավաշինարանի արտադրած անօդաչու ռազմանավերը ակտիվորեն կկիրառվեն Թուրքիայի ծովային սահմանները պաշտպանելու համար:

Մոտորանավակները սահմանների հետախուզման/մոնիտորինգի, մակերեսային և ստորջրյա թիրախների դեմ հարվածների, ռազմավարական նշանակություն ունեցող ափամերձ օբյեկտների (նավահանգիստներ, ռազմածովային կայաններ և այլն) պաշտպանությունն ապահովելու համար են: Բարձր մանևրությամբ մոտորանավակները կարող են գործել առանց վառելիքի լիցքավորման մինչև 4 օր: