Մահացած են գտել իրանցի գեներալ Ղասեմ Սոլեյմանիին սպանողներից մեկին

ԱՄՆ ռազմաօդային ուժերի սպա Ջեյմս Ուիլիսին գտել են մահացած Քաթարի Ալ Ուդեյդ ռազմաօդային բազայում. հայտնում է Lenta.ru- ն:

Տեղեկատվության համաձայն՝ իրանական հատուկ ծառայությունները Ուիլիսին ներառել են Իսլամական հեղափոխության պահապանների էլիտար «Ալ Քուդս» հատուկ ստորաբաժանման ղեկավար գեներալ Ղասեմ Սոլեյմանիի սպանության մեջ ներգրավված անձանց ցուցակում:

Այս պահին մահվան հանգամանքները պարզվում են: Ուիլիսը ղեկավարում էր ռազմաօդային ուժերի «Կարմիր ձի» էսկադրիլիան: Նա Քաթարում էր ԱՄՆ բանակի ռազմական գործողություններին աջակցելու նպատակով:

Մահացած սպայի հրամանատար Քլիֆորդ Թեոնին ասել է, որ փոխգնդապետի գործընկերները բոլոր ռեսուրսներով օգնելու են նրա ընտանիքին, ընկերներին և զորամասին:

«Նա մեր թիմի արժեքավոր անդամն էր, և մենք շատ կկարոտենք նրան»,- ընդգծել է ամերիկացի սպան:

Ղասեմ Սոլեյմանին սպանվել է 2020 թվականի հունվարի 3-ին Բաղդադի օդանավակայանի մերձակայքում ամերիկյան հրթիռային հարվածի ժամանակ: Նրա հետ սպանվեցին նրան ուղեկցող մի քանի սպաներ և իրաքցի ռազմական գործիչ Աբու Մահդի ալ Մուհանդիսին: Այնուհետև իրանական զորքերը պատասխան հարված հասցրին Իրաքի Էրբիլ քաղաքում գտնվող Այն ալ Ասադի բազային և օդանավակայանին: Դեկտեմբերի վերջին Թեհրանը հայտարարեց, որ գեներալի սպանության մեջ ներգրավված է 48 մարդ: Նրանց ինքնությունն արդեն պարզվել է, և իշխանություններն աշխատում են նրանց պատասխանատվության ենթարկելու ուղղությամբ: